1.尖沙咀Susie
作詞：許冠傑／黎彼得
作曲：許冠傑
有佢咁靚時冇佢咁夠盞，尖沙咀 Susie 點止咁簡單，
樣貌與身材 Good fit 夾耀眼，想搵多個都幾難。
佢要有型個性最好玩，出名鍊車王青山鬥片彎，
日日喫幾籠蝦餃當食晏，思想開放，好識嘆。
尖沙咀 Susie 駛乜憂兩餐，佢老竇勤力慣，喺街市賣鴨蛋，
尖沙咀 Susie 屋企多靚衫，橙溝綠，米襯藍，套套惹火搶眼。
佢碰見猛男對眼會猛咁眨，風騷兼銷魂乜都笑一餐，
密密去 Disco 通宵到達旦，攬身攬勢都好閒。
有佢咁野蠻冇佢咁夠膽，尖沙咀 Susie 死都拗番生，
但望亞 Susie 光陰咪亂散，青春一去空悲嘆。
2.夜夜念奴嬌
作詞：許冠傑／黎彼得
作曲：許冠傑
夜夜念奴嬌，輕輕把名叫，
心中一諗起，溫馨的歡笑，可解我寂寥。
夜夜念奴嬌，即刻陰陰笑，
心中一諗起，火般香吻妙，我會眼眉跳。
無論時分秒，想起妳就發燒，
回味妳笑也妙，喊也妙，我就煩悶也消。
諗起初介紹，心中卜卜跳，
與妳看月耀，開心不得了，韆鞦倆共搖。
夜夜念奴嬌，癡得好緊要，
相思知多少，初戀真美妙，愛意像狂潮。
3.搵嘢做
作詞：許冠傑／黎彼得
作曲：許冠傑
從前有個人叫莫大毛，日日攤喺屋企等米路，
神神化化作風虛無，又唔願剃鬚(重成日去賭)。
窮途意冷走去問前途，但願仙家指點三兩度，
如何有法變得富豪，望黃大仙能預告(呢枝簽話呢)。
拿拿聲即刻走去搵嘢做，人必須知道自己嘅用途，
唔去奮鬥你咪望有酬勞。想搵錢應該快手 Come on let's go，
著著聲即刻走去搵嘢做，人必須旨意自己創路途，
快去奮鬥您實會攀得高，你要坐 BENZ 靠自己個腦。
連隨悔覺好個莫大毛，立業興家終於走正路，
榮華富貴靠刻苦耐勞，漸漸年事已高(成就更高)。
同時見個仔亞莫二毛，日日攤屋企等米路，
連隨秤佢起身搏命熬，話黃大仙曾預告。
4.這一曲送給您
作詞：許冠傑／黎彼得
作曲：許冠傑
如果君心裡，常覺有顧慮，前景感到崎嶇，
人生有若遊戲，他朝總有轉機。
如果君心碎，常暗自下淚，何必感歎唏噓，
還希你莫嫌棄，這一曲送給您。
我願能助您鬱結消除，結伴同尋新樂趣，
我願憑樂韻解君寂寞，此曲望您惜取。
如果君他去，惆悵未入睡，難堪枕冷空虛，
還請您夢鄉僅記，這一曲送給您。
請君您夢鄉僅記，這一曲送給您。
5.好景自己去尋
作詞：許冠傑／黎彼得
作曲：許冠傑
想半生一知半解，事事百樣疑問，
想半生將假當真，事事錯後遺憾，
令我不禁撫心再問，是否曾埋沒狀志，
誓要開始醒覺做人，好景自己去尋。
休嘆息冤屈半生，日日悔恨愚笨，
休嘆息光陰似水，日日暗自悔恨，
定要擺脫不羇放任，願我不會忘掉烙印，
立志虛心補拙用勤，好景自己去尋。
得與失，經分析必有因，因欠進取心，
小痛楚，勿再望憐憫，全力上，莫再等
6.夕陽
作詞：許冠傑／黎彼得
作曲：David Gates
望見夕陽漫照葦草千千，又見稻田像那愛詩篇篇，
懷緬我倆從前，共你每天此刻相見，
互訴心曲手倆牽 (未料到他朝講再見) 。
望見夕陽艷美帶起炊煙，又見落霞令我記起當天，
和你曠野流連，面對美景相相擁抱，話過真心不會變。
每次細看往昔一封封信件，苦苦追憶但覺悽怨片片，
每次細看往昔一張張照片，綿綿柔情又再逐漸浮現。
但見夕陽漸己消失天邊，令我茫然頓覺百感交煎，
惆悵以往情緣，就似眼底光輝轉變，逝去匆匆不再見。
7.先敬羅衣後敬人
作詞：許冠傑／黎彼得
作曲：許冠傑
寧願少喫餐，時裝錢咪慳，就算水乾幾大要撐，
如果識著衫，泥鯭充正班，做嘢亨通包冇話難。。
人人無論富或貧，都要曉得裝下身，
只要著得好款開聲屋都震，有冇現款冇人問，
皮鞋明亮冇滴塵，記住領呔花要新，君見否尖沙咀通街光棍，
皆因先敬羅衣後敬人。
寧願少喫餐，時裝錢咪慳，就算水乾幾大要撐，
名廠 PIERRE CARDIN 來路出產，任我點揀都冇話煩。
人人無論懶或勤，都要曉得裝下身，
睇你衣冠不整差佬都掹警棍，當你係賊要盤問，
注重洋服嘅流行，記住買褸皮要真，希爾頓摩囉差都講聲 WELCOME，
皆因先敬羅衣後敬人。
8.始終被愁困
作詞：許冠傑／黎彼得
作曲：許冠傑
人每當出生，不曉富貧，成人後染俗氣，諸多競爭，
得到一朝得志，不會安份，總覺未能獲滿足始終被愁困。環顧今婚姻，多少永恆，人容易厭舊侶，轉愛情人，
家庭一朝慘變，多怨多恨，飽暖望淫慾滿足始終被愁困。
是否必須被愁困，是否蒼天弄人，
人人是否甘於被愁困，抑或情不自禁。
人每多貪心，不惜背盟，時常互戰互鬥失去靈魂，
得到一朝顯貴，天國將近，一世為無盡滿足始終被愁困。
9.發嗡風
作詞：許冠傑／黎彼得
作曲：許冠傑
時時為要面亂發嗡風，明明係老鄉走去死充，谷到盡，慢手叻過龍。
時時為要威亂發嗡風，明明係冇料亂爆一通，保重，講多盞你肉痛。
時時咁囉唆，口多多口疏疏會有錯，
講得多衰得多冇曬貨，人聽你就傻，
時時阿之阿左，得多好好會變渦，
懶專科，口水多，冇放過，人睬你就傻。
人人為領功亂發嗡風，求其亂咁車西變東，都重，亂咁逞英雄，
逢人係有料少發嗡風，何妨讓你威擔正先鋒，一有事，走先梗聽射中。
10.每事問
作詞：許冠傑
作曲：L.Reed／G.Stephens
學野必須肯多去發問，問吓古今遠近，
無論數學或地理天文，唔信問人。
若要高分，應該每事問，問！不懂好快問，
唔問最笨，求合格好文。
世界事物有千萬萬，科學日新兼月異怎去分，
答案點樣去搵，你每事問會有好學問，
經驗累積可辨別假與真，憑不斷去問人。
莫再天天等，今天每事問，問吓虛心D去問，
唔明白再問，人就更聰敏。
11.啦…傀儡
作詞：許冠傑／黎彼得
作曲：許冠傑
夜夜獻歌調，電結他手中舞弄隨樂韻搖，
台下滿觀眾紛紛拍手呼叫，五彩歌衫被銀燈照。為大眾閃耀，又唱出溫馨愛調隨樂韻搖，
忘掉了心中抑鬱仰首歡笑，您總不知是籠中鳥。
傀儡，求名利一世做工具，甘於置身虛幻夢全力去追
傀儡，求名利一世做工具，他朝跌倒可憐寄望誰。
但願你閃耀，願你歌聲飄遠地傳萬里遙，
能令世間知音者倍添歡笑，您的光耀像陽光照。
12.再會！香港！
作詞：許冠傑／黎彼得
作曲：許冠傑
清晨孤身去他方，黯然含淚滿腔，
立心將理想達成，到彼邦，尋美夢，滿懷熱望。
親朋祝福我安康，淒然無話再講，
立心開拓新未來，到彼邦，完志願，再會香港。
用勇氣，我不怕風浪，用幹勁，縱使難辛也闖，
用鬥志，憑著熱血信心，但求達到願望，放眼望遠方。
驕陽天邊吐金光，恍然離淚已乾，
靜觀天際白雲，蓋高山，難眺望，再會香港。
| 
-念奴嬌.jpg)